Mae dysgu a darganfod wrth wraidd bodolaeth amgueddfeydd, archifdai a llyfrgelloedd. Mae Annog Addysg yn mabwysiadu diffiniad eang a chynhwysol o ddysgu fel ei fan cychwyn:
'Mae dysgu yn broses o ymwneud yn rhagweithiol gyda phrofiad, dyma y mae pobl yn ei wneud pan fônt eisiau gwneud synnwyr o’r byd. Gall olygu datblygu neu ddyfnhau sgiliau, gwybodaeth, dealltwriaeth, ymwybyddiaeth, gwerthoedd, syniadau a theimladau, neu fwy o allu i ystyried. Mae dysgu effeithiol yn arwain at newid, datblygiad a'r awydd i ddysgu mwy.'
Diffiniad a fabwysiadwyd o’r Ymgyrch ar gyfer Dysgu
Mae dysgu ar ei fwyaf effeithiol pan fo’n digwydd ar lefel cred a hunaniaeth fel ein bod yn gwneud synnwyr o rywbeth ac yn gallu'i berthnasu â’n profiadau bywyd ein hunain. Mae Annog Addysg yn seiliedig ar y gred gadarn fod gan bob profiad mewn amgueddfa, llyfrgell neu archifdy y potensial i annog dysgu.
