Dysgu fel sefydliadau

Beth ydych chi’n ei gredu am sefydliadau dysgu?
(Addaswyd o Peter Honey, Learning Organisational Beliefs, rhestr wirio 1994) 

Mae rhai pobl yn ei chael yn haws nag eraill i dderbyn y syniad o sefydliad dysgu.

Atebwch y cwestiynau hyn ac yna trafodwch eich ymatebion gyda chydweithwyr.

Ystyriwch i ba raddau y mae eich credoau eich hun yn cyd-fynd â’r gwerthoedd yn eich amgueddfa, archifdy neu lyfrgell. Meddyliwch beth allai fod angen newid i chi eich hun yn bersonol ac i’ch sefydliad. Ticiwch y datganiadau yr ydych yn cytuno â hwy i archwilio eich agweddau eich hun, a chroeswch ymaith y rhai yr ydych yn anghytuno â nhw. Waeth pa mor fychan yw’r gwahaniaeth, ymatebwch i bob cwestiwn gyda thic neu groes os gwelwch yn dda.

• Credaf nad oes modd i chi wneud i bobl ddysgu, dim ond ei gwneud yn fwy tebygol y byddant yn dysgu
• Credaf fod dysgu'n rhy bwysig i'w adael i hap a damwain
• Credaf mai’r profiadau yr ydw i’n dysgu fwyaf oddi wrthynt yw’r profiadau y bydd eraill yn dysgu fwyaf oddi wrthynt hefyd
• Credaf mai hunanfodlonrwydd yw gelyn mwyaf datblygiad parhaus
• Credaf ei bod yn bwysicach dysgu oddi wrth gamgymeriadau na dysgu oddi wrth lwyddiannau
• Credaf fod dysgu o brofiad yn digwydd yn reddfol gan amlaf (h.y. does dim angen ei wneud yn fwriadol neu’n ymwybodol)
• Credaf mai pobl sy’n dysgu, nid sefydliadau
• Credaf fod datblygu pobl yn brif gyfrifoldeb i unrhyw reolwr
• Credaf po uchaf eich lefel, po leiaf yr ydych angen dysgu
• Credaf mai dysgu yw ein pwrpas creiddiol a’n bod ni’n cyflwyno canlyniadau’r dysgu hwnnw
• Credaf fod dysgu wedi digwydd pan all pobl ddangos eu bod yn gwybod rhywbeth na wyddent yn flaenorol a/neu y medrant wneud rhywbeth na allent ei wneud cynt.
• Credaf mai’r lle gorau i ddysgu yw ar gyrsiau, mewn cynadleddau, seminarau a gweithdai

Rhestrau gwirio ar gael i’w llwytho i lawr

Yn awr, ewch i ‘Datblygu ein hunain’ i barhau